Thunderbird ile Reklamsız E-poçta Yazışmaları
IMAP yaki POP destegini temin etken e-poçta hızmetlerini qullanaraq, e-poçta yazışmalarıñıznı reklam körmeden yapa bilirsiñiz. E-poçta teminatçılarınıñ ekseriyeti IMAP ve POP destegini ancaq ücret qarşılığı temin eter (meselâ, yahoo.com ve ymail.com olar arasındadır).
Gmail ile Bedava Reklamsız E-poçta Yazışmaları
Profildeki ilk e-poçta esabını ayarlamazdan evel Qırımtatarca Thunderbird eklentisini qursañız, Local Folders (Yerel Dizinler) cilbenti (klasörü) de Yerli Cilbentler olaraq Qırımtatarca kösterilir.
Yañı Esap Siirbazındaki adımlar içün bir misalni aşağıda körebilirsiñiz:
1.
2. Disk fezañız mahdut olsa, Elnen Tesbit... dögmesini saylap üçünci adımğa devam etiñiz, aksi taqdirde Esap İcat Et dögmesini saylap üçünci adımnı atlañız.
Esap İcat Et dögmesini saylasañız, IMAP poçta esabıñıznıñ cilbent (klasör) ve mesajları eşzamanlanır, yani sunucıdaki münderice (muhteva) bütünley yerli diskiñizge endirilir ve ileride ekisi de aynı tutulır. Misal olaraq, içinde 5 biñ mesajı (ve ekseriyeti tüz metin) olğan bir poçta esabı bütünley endirilse, diskiñiz üzerinde taqriben 160MB civarında feza qullanabilir. Bunıñ qarşılığı olaraq, mesajlarıñıznı İnternet bağlantısı olmağanda da oquybilirsiñiz ve mesajlarıñıznı sadece başlıqlarına (Mevzu, Kimden, Kimge başlıqları kibi) binaen degil de, mesajnıñ kevdesine binaen de qıdırabilirsiñiz. Lâkin, bu esapnıñ daa az disk fezasını qullanmasını isteseñiz, Elnen Tesbit... dögmesini saylañız.
3. Disk fezañız sıñırlı olsa, Esap Ayarlarında Mesaj Eşzamanlaması altındaki çavke-qutusını çavkesizleñiz (yani, qutunıñ içinde çavke işareti olmasın). Yapabilgeniñiz bir başqa adım ise (bunı esabıñız eşzamanlanacaq olsa da yasaybilirsiñiz), Aşağıdaki ölçüden büyük mesajlarnı endirme qutusını saylamaqtır. Bu ayarlarnı qullanğanda, içinde 5 biñ mesajı olğan mezkür esap diskiñiz üzerinde 160MB yerine taqriben 20MB feza qullanabilir, yani diskiñiz üzerinde daa çoq boş feza qalır. Amma, böyle ayarlarnı qullanğanda mesajlarıñıznı İnternet bağlantısı olmağanda oquyalmazsıñız ve mesajlarıñıznı faqat başlıqlarına binaen (Mevzu, Kimden, Kimge başlıqları kibi) araybilirsiñiz, kevde metinlerine binaen degil.
Parolası doğru kirsetilgen olıp ta, ekinci adımda qabul etilmegen qullanıcılar içün ek malümat mevcuttır:
