Mozilla Profiliniñ Bozulması
2012 senesi Qasım ayından berli QIRIMTATARCA Til Destesi eklentisiniñ qullanıcıları profil bozulması meselesi ile qarşılaşabilmekteler. Bu meseleniñ nihaiy çezimi içün ğayretler devam etmekte, amma şimdilik aşağıdaki malümat faydalı olabilir.
Profil Bozulması Misali
Profil bozulması neticesinde ortağa çıqabilecek qullanıcı arayüzü misali.
Sebebi
Sıq yapılmağa başlanğan çıqarılışlardan dolayı, Mozilla taqriben altı haftada bir bütün eklentilerniñ (til destesi olsun, ya da adetiy uzantılar olsun) telif qabiliyeti ayarlarındaki azamiy sürüm degerini avtomatik olaraq yükseltmektedir. Til destesi eklentileriniñ sürümleriniñ azamiy sürüm degeri asla yükseltilmemelidir, çünki umumen olarnıñ her çıqarılışı ancaq bir uyğulama çıqarılışı içün uyğundır. Aynı zamanda, qurulımnı qolaylaştırması ve hususiy malümatnıñ daha yahşı qorunması içün uyğulamanıñ tışarıdan Türkçe uyğulama emiş kibi körünmesini temin etmege çalışmasından dolayı QIRIMTATARCA Til Destesi eklentisiniñ türü 2012 senesi Qasım ayından berli til destesinden uzantığa deñiştirtilgendir. Neticede, her 6 haftada bir (z1 deycegimiz zaman noqtasında) QIRIMTATARCA Til Destesi eklentisiniñ soñ sürümine dair azamiy sürüm qıymeti AMO tarafından yükseltilmekte. Bu azamiy sürüm qıymeti (z2 deycegimiz zaman noqtasında (bir qaç kün yaki bir hafta felân soñra)) elden keri doğru qıymetke deñiştirilmekte. İşte mezkür z1 ve z2 zaman noqtaları arasında QIRIMTATARCA Til Destesi eklentisi qurulğan bir Firefox profili (eñ az 7-9 daqqa qadar) qullanılsa, o profil AMO (Eklentiler Mozilla Org) saytından mezkür yañlış azamiy sürüm qıymetini elde eter ve bu yañlış qıymet z2 zaman noqtasından soñra bile uyğulama tarafından artıq tüzetilmez! Meseleni öñlenmek (aldını almaq) içün z1 zaman noqtasındaki AMO'nıñ yapqanı deñişiklik yap(tır)ılmamalıdır. Bu istiqametteki ğayretler devam etmekte...
Çare
Bu meseleden qaçınmaq içün ne yapılabilecegi haqqında mında oquybilirsiñiz. Bu meselege duçar olsañız, profiliñizni nasıl "qurtarabilecegiñiz" haqqında mında oquybilirsiñiz.