Firefox (oqulışı: Fayefoks; tercimesi: Ateştilki), Mozilla Vaqfı'nıñ açıq-menbalı bir İnternet kezicisidir.
- Mozilla tarafından hal-hazırda Gecelik kanalda çıqarılğan QIRIMTATARCA Firefox'nı mından qurabilirsiñiz (eñ qolay usul budır).
- Alternativ olaraq, istiqrarlı kanalğa irişilgence, istiqrarlı kanaldan çıqarılğan Uzatılğan Destek Çıqarılışı (ESR) yaki (istiqrarlı kanaldan çıqarılmağan) Keliştirici Tahriri Firefox qursañız, onıñ içün Qırımtatarca Firefox eklentisini mından endirip qurabilirsiñiz: andaki bir eklenti dosyesini qurmaq içün, 2.1) evvelâ onı diskiñizge saqlañız; 2.2) extensions.langpacks.signatures.required tercihini ("false" qıymetine) töntüriñiz; 2.3) menüden Dosyeni Aç... saylañız ve saqlağan olğanıñız dosyeni seçip Tamam'ğa çertiñiz; 2.4) soñra intl.locale.requested hasiyetini elden crh-UA olaraq deñiştiriñiz ve 2.5) uyğulamanı kene başlatqandan soñ mahalliyleştirilgen qullanıcı arayüzüne qavuşırsıñız.
İsteseñiz, Firefox haqqında daha çoq ögrenebilirsiñiz.
İnternet qullanıcılarınıñ taqriben yüzde 10'u Firefox qullana. Siz de Firefox'nı deñeñiz. Pеşman olmazsıñız!
İsteseñiz, QIRIMTATARCA Firefox (içün mahalliyleştirme) ve umumen Mozilla (alt-yapısı) çalışmalarına doğrudan Mozilla nezdinde hisse qoşabilirsiñiz.
Aşağıdaki suretniñ tübünde körgeniñiz kibi, QIRIMTATARCA Firefox tışarıdan Türkçe Firefox kibi körüne: bu, mahsus rica üzerine yapılğandır ve hususiyatıñız içün yahşıdır.
Aşağıdaki surette körgeniñiz kibi ise, istegeniñiz taqdirde ağ-saytlarına QIRIMTATARCA muhteva tercih etkeniñizni de bildirebilirsiñiz (doğrusı, bu, hususiyatıñız içün müsbet olmaz edi (aynı zamanda QIRIMTATARCA münderice de İnternet'te köp degil), amma kene de bu seçenekniñ mevcudiyeti hoştır).