Til:

Tilde Birlik

Tilde, Fikirde, İşte Birlik!

Yazılım Proyektimizge Hoş Keldiñiz!

Gnome (tercimesi: Cüce) Masaüstü Çevresi içün 2D (2-Boyut) Ekran Körüntileri

2009 baharinden berli çıqarılğan Unity 5.12 (Ubuntu 12.04.1 (Gnome 3.4.2)), Unity 3.8.14 (Ubuntu 11.04 (Gnome 2.32)), Gnome 2.30 (Ubuntu 10.04), Gnome 2.28 (Ubuntu 9.10) ve Gnome 2.26 (Ubuntu 9.04) çıqarılışlarınıñ qısmen de olsa QIRIMTATARCA qullanılabilüvi içün ğayret etilgendir. Aşağıda QIRIMTATARCA Ubuntu'nıñ (ve umumen deñişik Linux dağıtımları tarafından temin etilgen QIRIMTATARCA Gnome'nıñ) ğayet qullanışlı olğanını körmek mümkün.

Ubuntu 12.04 (Unity 5.12 (Gnome 3.4 esasında))

Aşağıda 2012 senesi 26 Nisan künü çıqarılğan Ubuntu Linux dağıtımınıñ 12.04 çıqarılışındaki (Gnome 3.4 esaslı) Unity 5.12 masaüstü çevresi ekran körüntileri kösterilgendir. Bundan evvelki ekran körüntilerinde kösterilgen uyğulama(çıq)lar ve modüllerniñ de tercimleri yañartılğandır ve olar hem Unity hem de Gnome masaüstü çevrelerinde qullanılabilmekteler. Bundan evvel üç-dört yıl boyunca imlâ noqtainazarından aq variant qullanıldı. Bu çıqarılışta (ve onıñ Ubuntu 12.04.1, Gnome 3.4.2 kibi yañartmalarında) ise, künümizdeki keçiş devri imlâ müzakerelerini de aks eterek ekseriyetle imlânıñ haq variantı qullanılmaqtadır ("edit" içün "tahrir", "about" içün "haqqında" ve ilâhri).

Masa 1: Yañartılğan Ubuntu adese (lens) qullanıcı arayüzü (töpe-solda) ve yañı Gnome (Cüce) Sistem Ayarları qullanıcı arayüzü (tüp-sağda). Surette bir de Sistem Ayarları penceresinden açılğan Til Destegi penceresi kösterile: körülgeni kibi, Türkçe tercih etilgen ekinci til olaraq sıralanğandan dolayı, QIRIMTATARCA mahalliyleştirmeler (tercimeler) mevcut olmağanda Türkçe mahalliyleştirmeler qullanılır. Hususan, mındaki Sistem Ayarları penceresinde Türkiye Türkçesi ile 3 ibare kösterile ve aslında hepsiniñ QIRIMTATARCALAŞTIRMASI farqlı olabilir edi (Yazdırma yerine Bastıruv kibi). Bir de töpe-oñda yañartılğan Empati ve mesajlaşma köstergiçi qullanıcı arayüzleri körülebile. Masa 2: Yañı til-merkezli klavye tizilimi qullanıcı arayüzleri ve yañartılğan (ülkesiz) QIRIMTATARCA klavye tizilimleri isimleri ve qısqartması (ISO til kodu: crh). Bundan evvel suniy bir şekilde dayatılğan ve bazı tahrikler içün de qullanılğan ülke-esaslı klavye tizilimi qullanıcı arayüzleri yerine til-merkezli qullanıcı arayüzleriniñ qullanılması kerekkeni haqqında mında da (ve bu lâyiha oğruna yapılğan çalışmalar esnasında da) bir qaç sene boyunca yazılğandır ve fikirler beyan etilgendir. Bu fikirlerni bir Türk-Tatar ağzından eşitmek (qaleminden oqumaq) bile istemegen ve red etken bir bende (ve onıñ suiistimalına ve tahriklerine faal müsamaha köstergen bir başqası), neticede aynı fikirler milliyeti (ve dini) farqlı olğan başqa zatlar tarafından da ifade etilgenden soñ, evvelki saçmalarını ve safsatalarını hiç zikretmegenlerdir. Masa 3: Türkiye Cumhuriyet Merkez Bankası saytında temin etilgen paketniñ qurulmasından soñra, Türk Lirası remziniñ Linuks üzerinde (bir metin muharririnde ve bir ağ kezicisinde) qullanılışı. Artıq remiz kodu da qayd ettirilgen TL remzi Windows 8 ile masaüstülerniñ ekseriyetine de kelmege başlaycaq ve peyderpey mobil cihazlar da dahil olmaq üzre işletim sistemleriniñ hepsi tarafından "qutudan-tışarı" desteklenecek. Bir-eki şey daha körülsin dep, sağ yanda ortada ve tüpte yañartılğan Film Oynatıcı ve Sistem Ayarları'ndaki qısmiy Körüniş tercihleri qullanıcı arayüzleri de körülebile.
Ubuntu 11.04 (Unity 3.8.14 (Gnome 2.32 esasında))

Aşağıda 2011 senesi 28 Nisan künü çıqarılğan Ubuntu Linux dağıtımınıñ 11.04 çıqarılışındaki (Gnome 2.32.1 esaslı) Unity 3.8.14 masaüstü çevresi ekran körüntileri kösterilgendir. Aynı zamanda, özgün Gnome masaüstü çevresiniñ özüniñ de (Ubuntu Klassik olaraq) temin etilmesine devam etilir ve qullanıcılar onı Unity yerine ya da arada bir qullanabilirler. Bundan evelki ekran körüntilerinde kösterilgen uyğulama(çıq)lar ve modüllerniñ de tercimleri yañartılğandır ve olar hem Unity hem de Gnome masaüstü çevrelerinde qullanılabilmekteler.

1: Unity (yani, Birlik) hususiyetleriniñ biri uyğulamalarğa ait menü çubuqlarınıñ panelde kösterilmesidir. 2: Töpe-soldaki Unity başlanğıç dögmesinen açılğan ve menüniñ yerini alğan qullanıcı arayüzü. 3: Soldaki çubuqta + işaretini ihtiva etken dögme vastası ile açılğan Uyğulamalar qullanıcı arayüzü.
Daha Evvelki Çıqarılışlar
SourceForge.net Logo