Til:

Tilde Birlik

Tilde, Fikirde, İşte Birlik!

Yazılım Proyektimizge Hoş Keldiñiz!

Wubi ile Ubuntu Linux'nıñ Windows'nıñ içerisinde Qurulımı

Linux tecribeñiz olmasa da, yarım saat zarfında wubi ile, Windows'qa tesir etmeden, Windows'nıñ içerisinde Ubuntu Linux qurabilirsiñiz. Bu şekilde qurulğan Linux, Windows ile aynı disk taqsimi üzerinde, yan-yanğa olur. Ondan soñ aynı bilgisayar üzerinde istegeniñiz zaman Windows, istegeniñiz zaman da Linux qullanabilirsiñiz. İlâveten, wubi ile qurulğan Linux sıradan Windows uyğulaması kibi çetletile (kaldırıla) bilir.

Evvelâ, aşağıdaki usullarnıñ birini qullanaraq wubi'ni elde etiñiz:

Wubi, müellifi tarafından temin etilgen eki adresten daha endirilebilir: wubi.sourceforge.net ve wubi-installer.org.

Bu adreslerde temin etilgen wubi dosyesi, ekseriy hallarda Ubuntu'nıñ resmiy endirmeler sahifesinde temin etilgen wubi ile aynı olmalı, lâkin, nadiren, müellifi tarafından yapılğan ve Ubuntu tarafından şimdilik tasdiqlanmağan yañartmalarnı da ihtiva etebilir. Malümatıñız içün, 2009 senesi 23-26 Nisan künleri resmiy Ubuntu endirmeler sahifesinde, wubi.sourceforge.net'te ve wubi-installer.org'ta temin etilgen wubi.exe dosyeleri aynı edi.

Ubuntu'nıñ resmiy Canlı CD'si de wubi'ni ihtiva ete. Resmiy Ubuntu CD'si şöyle elde etilebilir:

Ubuntu 9.10 ve 10.04 çıqarılışlarından itibaren Wubi Qırımtatarca da çalışabilmekte. Wubi'ni elde etken soñ, 2-3 qolay adımnen Ubuntu'nı qurğan olursıñız1:

1.
Wubi'ni başlatıñız. Adet üzre sıradan bir uyğulama kibi de başlatabilirsiñiz, amma Qırımtatarca oluvını isteseñiz, Windows+R qısqa-yolunı qullanaraq (Windows ve R tuşlarına aynı zamanda basaraq), mındaki kibi bir buyruq satrını qullanıñız ("siz" qısmını qullanıcı adıñızğa deñiştirerek). Mında körgeniñiz qullanıcı arayüzü Azerice Windows'tandır.
2.
Qullanıcı adı ve parolanı belirtip Qur (Install) dögmesine basıñız.
3.
Bir qaç Mb/saniye bir şebeke bağlantısı üzerinden 20-30 daqqa zarfında qurulım dosyesi endirilgen olur. Wubi Qırımtatarcalaştırılğan olsa da, qurulımnıñ soñki 2 ekranında Qırımtatarca olmağan bazı metinler körüle: bunıñ sebebi asıl (Wubi'den ayrı) qurulım arayüzüniñ şimdilik Qırımtatarcalaştrılmağan olmasıdır. Körülgeni kibi, şimdilik bazı qurulım arayüzleri tamamen Türkçeleştirilgen bile degildir.
4.
Bilgisayarıñıznı kene başlatıñız: mından soñ hem Windows hem de Linux qullanabilirsiñiz.
1 Bu talimat Ubuntu 10.04 ve soñraki çıqarılışlar içündir. Ubuntu 9.04 sürüminde Wubi Qırımtatarca çalışalmay edi. Ubuntu 9.10 sürüminden itibaren Wubi Qırımtatarca çalışabile.
SourceForge.net Logo