Siz İnternette kezingende qullanğanıñız uyğulama (Firefox olsun, Internet Explorer yaki başqası olsun) tarafından saytlarğa bazı malümat yiberilir. Mında, Qırımtatarca Firefoxnı qullanğanda Firefox tarafından saytlarğa yiberilgen malümat aqqında ögrenebilesiñiz. İlâve olaraq, isteseñiz, onıñ nasıl şahsiyleştirilebilgeni aqqında da oquybilesiñiz. Şahsiyleştirüviñiz ihtiyariydir: Qırımtatarca Firefox eklentisiniñ ög-belgilengen qıymetleri qullanıcılarnıñ ekseriyeti içün uyğun olabilir.
12 Mayıs 2011: Tafsilâtqa kirmeden, Qırımtatarca Firefox eklentisiniñ Türkçe Firefox üzerinde quruluvı hususiy malümatıñıznıñ biraz daa yahşı qorunmasını temin eter. Tafsilât içün oqumağa devam etebilirsiñiz. (Bu saife Firefox 4 içün yañartılğandır (yañı paragraflar ögünde mındaki kibi bir tarih tamğası eklengendir, amma diger malümatnıñ da büyük bir qısmı yañartılğandır); evelki Firefox 3.6 çıqarılışına dair malümat içün, lütfen şu saifege barıñız.)
18 Temmuz 2011: Firefox 5, Firefox 4'ten berli 3 ay bile keçmeden çıqarıldı. Körünişinde, qullanıcı arayüzünde çoq deñişiklik yoqtır. Faqat hususiy malümatnıñ daa yahşı qorunmasına dair qaydğa deger yañı, yahşılaştırılğan bir hususiyeti bardır: JavaScript (JavaBitigi) Til hasiyeti artıq qullanıcı arayüzüniñ til kodunı degil, Tilni-Qabul-Et tercihiniñ ilk til kodunı aksete.
27 Ağustos 2011: Firefox 6 aqqında bir-eki şerh. Bir taraftan, qullanıcı arayüzündeki bir deñişiklik olaraq, Yazboz (Qaralama) Defteri kibi JavaBitigi kodçuları içün faydalı olğan bir hususiyetniñ eklengen olğanı zikretilebilir. Diger taraftan ise, Remiz-Kümesini-Qabul-Et HTTP istemi başlığı beklengeni kibi şimdilik tüşürilgen degildir.
25 Mayıs 2013: Firefox 21'den evvel, Qırımtatarca Firefox eklentisiniñ Türkçe Firefox üzerinde quruluvı hususiy malümatıñıznıñ biraz daa yahşı qorunmasını temin eter edi. Firefox 21'den itibaren, eklenti qurulımından evvel uyğulamanıñ angi mahaliniñ (tiliniñ) qurulğanı artıq farq etmez. Faqat, Qırımtatarca Firefox qullanğanda tercih etilgen tiller qıymetini deñiştirseñiz, hususiy malümatıñıznıñ daa yahşı qorçalanması içün oña bağlı bir deñişiklikni daha yapmañız tevsiye etilir. Tabiiy ki, bularnıñ birini deñiştirmeseñiz, digerini de deñiştirmeñiz kerekmez.
Qırımtatarca Til Paketi eklentisini qullanğan bir Firefox qurulımı ile adetiy bir Firefox qurulımı arasındaki kiçik farqlar aqqında tafsilât
Qırımtatarca Firefox eklentisini qullanğan bir qurulımnıñ adetiy bir Firefox qurulımından tışarıdan körülebilgen hususiy malümatıñızğa dair bazı kiçik farqları olur.
12 Mayıs 2011: Qırımtatarca Firefox eklentisini Türkçe Firefox üzerinde qursañız ve Qırımtatarca Firefox eklentisi tarafından Türkçe Firefox ile aynı yapılğan 3 qıymetni el ile deñiştirgen olmasañız, aşağıdaki cedvelde birinci farqtan soñraki farqlar siziñ qurulımıñızda olmaz. Bundan dolayı, Qırımtatarca Firefox eklentisiniñ Türkçe Firefox üzerinde quruluvı hususiy malümatıñıznıñ biraz daa yahşı qorunmasını temin eter.
Qırımtatarca Firefox eklentisini qurmazdan evel alâqadar bazı tercihlerni el ile şahsiyleştirgen olmasañız, Qırımtatarca Firefox eklentisini qullanğan bir qurulım (eklentiniñ 3.6.3 sürüminden itibaren) adetiy bir Firefox qurulımından aşağıdaki kibi farqlı olur:
Qıstas
Açıqlama
Qırımtatarca Til Paketi eklentisini qullanmağan qurulım
Qırımtatarca Til Paketi eklentisini qullanğan qurulım
İşleyiş
Şahsiy- leştirile- bilemi?
İşleyiş
Şahsiy- leştirile- bilemi?
Mozilla saytlarına yapılğan HTTP istemlerinde Qırımtatarca Til Destesi eklentisini qullanğanıñıznıñ körülip körülmeycegi
Umumen Mozilla uyğulamaları, Mozilla saytlarına (mozilla.org kibi) HTTP istemlerini yibererek qurulğan eklentiler içün yañartmalarnıñ (küncellemelerniñ) olıp olmağanını teşkerir (https qullanaraq) ve yañartmalar olsa, olarnı endirirler (http üzerinden).
Qırımtatarca Til Paketi eklentisini qurğan olmasañız, tabiiy olaraq, onı qullanğanıñız körülmez.
Hayır
Firefox kibi Mozilla uyğulamaları Qırımtatarca Til Paketi eklentisi içün bir yañartmanı endirgende, bu eklentini qurğan olğanıñız körülir. Yani, Mozilla bu tafsilâttan haberdar olacaq (ve ilâve olaraq, İnternet Hızmeti Teminatçıñız bu HTTP istemlerini közetse, o da haberdar olabilir).
Hayır
Tışarıdan körülgen (meselâ, saytlar tarafından) uyğulama tili qıymeti
Ögbelgilengen olaraq, Türkçe Firefox ile aynı tercih etilgen tiller qullanılır.
Ebet
Mozilla Firefox Başlanğıç Saifesi'nden yapılğan qıdırmalarda körülgen til kodu
Bu ögbelgilengen (üzerinde "Qıdır" dögmesi olğan) ev saifesinde bir şey qıdırılsa, adresinde til kodu da dahil etilgen bir google saifesi açılır.
Qullanıcı profili icat etilgeni vaqıt (ilk qullanım) qullanılğan qullanıcı arayüzüniñ til koduna eşittir. Muhtemelen, cari qullanıcı arayüzüniñ (ve tışarıdan körülgen) til koduna eşittir.
Hayır
Aynen: qullanıcı profili icat etilgeni vaqıt qullanılğan qullanıcı arayüzüniñ til koduna eşittir. Tışarıdan körülgen til koduna eşit olmaybilir: meselâ, Firefox'nı ilk sefer qullanğanıñızda Türkçe Firefox'nı qullanğan olsañız, ve til ile alâqalı tercihlerniñ qıymetlerini el ile deñiştirgen olmasañız, o zaman tışarıdan körülgen til koduna eşit olur (ekisi de tr olur); lâkin, meselâ, Qullanıcı profili icat etilgeni vaqıt Rusça Firefox'nı qullanğan olsañız, ve til ile alâqalı tercihlerniñ qıymetlerini el ile deñiştirgen olmasañız, o zaman tışarıdan körülgen til koduna eşit olmaz (umumen, tışarıdan körülgen til kodu tr olur, amma Mozilla Firefox Başlanğıç Saifesi'nden yapılğan qıdırmalarda körülgen til kodu ru olur).
Hayır
Mozilla saytlarına yapılğan HTTP istemlerinde körülecek uyğulama tili qıymeti
Umumen Mozilla uyğulamaları tarafından Mozilla saytlarına (mozilla.com kibi) bazı HTTP istemleri yapılır (meselâ, uyğulama yañartmaları (küncellemeleri) içün) ve bu istemlerniñ bazılarınıñ adreslerinde uyğulamañıznıñ qullanıcı arayüzüne dair bir til kodu körülir. Böyleliknen, Mozilla bu tafsilâttan haberdar olacaq (ve ilâve olaraq, İnternet Hızmeti Teminatçıñız bu HTTP istemlerini közetse, o da haberdar olabilir).
Asıl Firefox qurulımındaki til koduna eşittir. Tilni-Qabul-Et HTTP istemi başlığı da oña köredir.
Hayır
Asıl Firefox qurulımındaki til koduna eşittir (Türkçe Firefox qurulğan edi ise: Türkçe; Rusça Firefox qurulğan edi ise: Rusça ve ilâhri). Tilni-Qabul-Et HTTP istemi başlığı ise Türkçe Firefox'taki kibidir.
Hayır
Linuks yaki Makintoş qullanğanlar içün ek malümat mevcuttır:
Umumen Mozilla uyğulamaları, Mozilla saytlarına (mozilla.org kibi) HTTP istemlerini yibererek qurulğan eklentiler içün yañartmalarnıñ (küncellemelerniñ) olıp olmağanını teşkerir (https qullanaraq) ve yañartmalar olsa, olarnı endirirler (http üzerinden).
Qalabalıqqa Qarış (Blend In) eklentisini qurğan olmasañız, tabiiy olaraq, onı qullanğanıñız körülmez.
Hayır
Firefox kibi Mozilla uyğulamaları Qalabalıqqa Qarış (Blend In) eklentisi içün bir yañartmanı endirgende, bu eklentini qurğan olğanıñız körülir. Yani, Mozilla bu tafsilâttan haberdar olacaq (ve ilâve olaraq, İnternet Hızmeti Teminatçıñız bu HTTP istemlerini közetse, o da haberdar olabilir).
Hayır
Mozilla saytlarına yapılğan HTTP istemlerinde körülecek işletim sistemi
Umumen Mozilla uyğulamaları tarafından Mozilla saytlarına (mozilla.com kibi) bazı HTTP istemleri yapılır (meselâ, uyğulama yañartmaları (küncellemeleri) içün) ve bu istemlerniñ bazılarında qaysı işletim sistemini qullanğanıñız körülir. Böyleliknen, Mozilla bu tafsilâttan haberdar olacaq (ve ilâve olaraq, İnternet Hızmeti Teminatçıñız bu HTTP istemlerini közetse, o da haberdar olabilir).
Kerçek işletim sistemi.
Hayır
Kerçek işletim sistemi.
Hayır
Windows qullanmağanlar içün tışarıdan körülecek işletim sistemi
Qırımtatarca Firefox qullansañız, aşağıda isimleri qalın urufatnen kösterilgen 1 HTTP istemi başlığı (Firefox 10'dan evel 2 HTTP istemi başlığı) ve 1 JavaScript (JavaBitigi) hasiyeti Türkçe Firefox'taki kibi ayarlanır. Lâkin, Firefox'nı qurğandan soñ bu qıymetlerniñ er angisini şahsiyleştirgen olsañız, Qırımtatarca Firefox tercihiñizni deñiştirmez. Misal olaraq, aşağıda hem ismi em de qıymeti qalın hurufatnen kösterilgen 1 HTTP başlığı ("Tilni-Qabul-Et" (Accept-Language)) Türkçe Firefox'taki kibi tesbit etilir ve yiberilir, lâkin Firefox'nı qurğandan soñ tercih etilgen tiller ayarını şahsiyleştirgen olsañız, tercihiñiz deñiştirilmez ve o tercihiñiz "Tilni-Qabul-Et" HTTP başlığında adeti üzre qullanılır.
Bu saife içün keziciñiz tarafından yiberilgen HTTP istemi başlıqları: