Til:

Tilde Birlik

Tilde, Fikirde, İşte Birlik!

Yazılım Proyektimizge Hoş Keldiñiz!

Empati Uyğulamasını Qullanğanda Hususiy Malümatıñızğa Dair Bilmege Deger Tafsilât

Empati uyğulamasınıñ qullanıcıları içün bilmege deger bir qaç tafsilât bardır[1]:

  1. Empati, 18 temmuz 2011 itibarı ile, haberleşmeleriñizni (metin, ses, video) yalıñız sizden sunucığa ve sunucıdan aqranıñızğa şeklinde şifreleybilir (İleriletilgen ayarlarda SSL/TLS saylasañız). Yani, meselâ, Google Qonuşma hızmetini qullansañız, bu şartlarda Google yazışmalarıñıznı oquybilir. Aqrandan-aqranğa (P2P) ya da başqa bir deyiş ile Qayd-Tışı (OTR) şifreleme destegi şimdilik yoq, amma (ümüt etilir ki, yaqın) kelecekte bu tür şifreleme içün de protokollar seviyesinde deñişikliklerniñ yapılması planlanmaqtadır.
  2. Empati ile qullanğanıñız hesaplarnıñ qullanıcı adları tüz metin olaraq qullanıcı profiliñizde saqlanır.
  3. Empati ile yapılğan yazışmalarnıñ metinleri (ve temasıñıznıñ e-poçta adresi) tüz metin olaraq qullanıcı profiliñizde saqlanır.
  4. Gnome (yaki oña esaslı, Unity kibi bir) masaüstü çevresini qullanğanda, Empati içinde kirsetilip saqlanğan sır-sözler (parolalar) her qullanıcığa mahsus Gnome anahtar halqasında (gnome-keyring) şifreli olaraq saqlanır.

Yuqarıdaki ekinci ve üçünci hususlarnıñ önemi şudır: bilgisayarıñıznı başqalar ile paylaşsañız, bu başqa şahıslar qullanıcı profiliñizge irişebilse, (Gmail kibi) hesaplarıñıznıñ qullanıcı adlarını ve yazışmalarıñıznı körebilirler. Bilgi sahibi olğanlar içün paylaşılğan bilgisayarnı qullanğanları vaqıt qullanıcı profiliñizge irişmek ve profil içerisindeki şifrelenmegen dosyelerni oqumaq çetin degildir.

Empati profiliñizdeki hususiy malümat aşağıdaki cilbentlerde ve dosyelerde saqlanır (ihtiyacıñız olğanda, bu cilbentlerni yaki ferdiy dosyelerni şifreley yaki sile bilirsiñiz):

  • Hesaplar (sır-sözler harıc): ~/.mission-control/accounts/accounts.cfg
  • Yazışma kütükleri: ~/.local/share/TpLogger/logs (Yañı, Empathy 2.31.4 itibarı ile (Eski yolaq: ~/.local/share/Empathy/logs/))


  1. ^ gnome.org. Empati Haqqında Sıq Soralğan Sualler
SourceForge.net Logo