Til:

Tilde Birlik

Tilde, Fikirde, İşte Birlik!

Yazılım Proyektimizge Hoş Keldiñiz!

Bozulğan Mozilla Profiliniñ Qurtarılışı

Mozilla Profiliniñ Bozulması meselesine duçar olsañız, profiliñizni aşağıdaki şekilde qurtarabilirsiñiz.

1. Uyğulamanı Güvenli Kip'te başlatıñız.

Haberiñiz olsun, aşağıdaki resimlerde QIRIMTATARCA qullanıcı arayüzü kösterilgendir. Uyğulamanı Güvenli Kip'te başlatsañız, qullanıcı arayüzüñiz uyğulama qurulımınıñ yapılğanı özgün tilde olur: ondan dolayı dögme ve menü unsurlarındaki etiketler (sözler) farqlı tilde olur; amma dögme ve menü unsurları aynı yerlerde olur ve ondan dolayı aşağıdaki suretler kene de faydalı olmalı.

2. Eklentiler qullanıcı arayüzüni açıñız (klavye qısqayolu arqalı da açılabilir):

Eklentiler qullanıcı arayüzü menü unsurı. Eklentiler qullanıcı arayüzü menü unsurı.

Aletler->Eklentiler qullanıcı arayüzü menü unsurı. Aletler->Eklentiler qullanıcı arayüzü menü unsurı.

3. QIRIMTATARCA Til Destesi eklentisini yañartmağa deñeñiz:
  1. Evvelâ, eklenti yañartması içün teşkeriñiz (közden keçirilgen olsa, yañartma taqriben 9 daqqa zarfında avtomatik olaraq ta arqazeminde endirilip qurulır, amma elden teşkermek daha az vaqıt alır).
    Evvelâ, eklenti yañartması içün teşkeriñiz (közden keçirilgen olsa, yañartma taqriben 9 daqqa zarfında avtomatik olaraq ta arqazeminde endirilip qurulır, amma elden teşkermek daha az vaqıt alır): Ubuntu Linuks üzerindeki qullanıcı arayüzü; Windows üzerinde biraz farqlı olur, amma bu farqlar mühim degil ve ihmal etilebilir..
    1. Uyğulama sürümine (meselâ, 23.0) teqabül etken QIRIMTATARCA Til Destesi eklentisi sürümi (meselâ, 23.0 ya da 23.0.1) avto-qurulğan ya da yañartma içün teşkermeñiz neticesinde qurulğan ise, uyğulamadan çıqıp (Dosye->Çıq menü unsurı) onı tekrar başlatmaq yeterlidir (yani, aşağıdaki soñki dördünci adımğa barıñız).
    2. QIRIMTATARCA Til Destesi eklentisiniñ sürümi uyğulama sürüminiñ altında ise (meselâ, 22.0), eklentini ğayrıfaalleştiriñiz ya da çetleştiriñiz, yaki yañartmasını elden quruñız.

      Ğayrıfaalleştirmek içün aşağıda imleç ile işaretlengen dögmege basıñız.
      Ğayrıfaalleştirmek içün aşağıda imleç ile işaretlengen dögmege basıñız: Ubuntu Linuks üzerindeki qullanıcı arayüzü; Windows üzerinde biraz farqlı olur, amma bu farqlar mühim degil ve ihmal etilebilir.

      Çetleştirmek içün aşağıda imleç ile işaretlengen dögmege basıñız.
      Çetleştirmek içün aşağıda imleç ile işaretlengen dögmege basıñız: Ubuntu Linuks üzerindeki qullanıcı arayüzü; Windows üzerinde biraz farqlı olur, amma bu farqlar mühim degil ve ihmal etilebilir.

      Belki közden keçirilmesini beklegen (ve uyğulama sürüminiñ altında olmağan) eklenti yañartması mevcuttır: o taqdirde onı bu sahifeden qurabilirsiñiz (bar ise, listeniñ töpesinde olur).
4. Uyğulamadan çıqıp (Dosye->Çıq menü unsurı) onı tekrar başlatıñız.
SourceForge.net Logo