Wubi ile Ubuntu Linux'nıñ Windows'nıñ içerisinde Qurulımı
Linux tecribeñiz olmasa da, yarım saat zarfında wubi ile, Windows'qa tesir etmeden, Windows'nıñ içerisinde Ubuntu Linux qura bilirsiñiz. Bu şekilde qurulğan Linux, Windows ile aynı disk taqsimi üzerinde, yan-yanğa olur. Ondan soñ aynı bilgisayar üzerinde istegeniñiz zaman Windows, istegeniñiz zaman da Linux qullana bilirsiñiz. İlâveten, wubi ile qurulğan Linux sıradan Windows uyğulaması kibi çetletile (kaldırıla) bilir.
Evelâ, aşağıdaki usullarnıñ birini qullanaraq wubi'ni elde etiñiz:- Wubi, doğrudan mından endirile bilir.
- Tevsiye etilgen ihtiyariy ek emniyet adımı: endirmeñizni doğrulamaq içün, onıñ MD5 cemisiniñ endirmeler sahifesindeki MD5 cemisi ile aynı olğanını teşkere bilirsiñiz.
Wubi, müellifi tarafından temin etilgen eki adresten daha endirile bilir: wubi.sourceforge.net ve wubi-installer.org.
Bu adreslerde temin etilgen wubi dosyesi, ekseriy hallarda Ubuntu'nıñ resmiy endirmeler sahifesinde temin etilgen wubi ile aynı olmalı, lâkin, nadiren, müellifi tarafından yapılğan ve Ubuntu tarafından şimdilik tasdiqlanmağan yañartmalarnı da ihtiva ete bilir. Malümatıñız içün, 2009 senesi 23-26 Nisan künleri resmiy Ubuntu endirmeler sahifesinde, wubi.sourceforge.net'te ve wubi-installer.org'ta temin etilgen wubi.exe dosyeleri aynı edi.
Ubuntu'nıñ resmiy Canlı CD'si de wubi'ni ihtiva ete. Resmiy Ubuntu CD'si şöyle elde etile bilir:
- Evelâ, resmiy Ubuntu .iso dosyesini endiriñiz.
- Tevsiye etilgen ihtiyariy ek emniyet adımı: endirmeñizni doğrulamaq içün, onıñ MD5 cemisiniñ endirmeler sahifesindeki MD5 cemisi ile aynı olğanını teşkeriñiz.
- .iso dosyesini CD'ge yazıñız.
- Windows'tan çıqmadan, wubi'ni yazğan olğanıñız Ubuntu'nıñ resmiy Canlı CD'sinden başlata bilirsiñiz.
Wubi'ni elde etken soñ, 2-3 qolay adımnen Ubuntu'nı qurğan olursıñız1:
